مرض الجزام

حد سمع قبل كدة عن مرض الدكتور مش بيرضى يعالجه او حتى يبص على الحالة  
واحد هيقولى دا مرض ايه دة ادكتور  
اقولك يا سيدى .. دة مرض بيسموه ( الجذام ) او ( lyprosy ) المرض ملوش مصل او لقاح لحد دلوقتى-_- 
المرض دة لما بيصيب فرد واحد فى العائلة يبقى اعرف بديهى كدة ان العيلة كلها عندها الجذام 
ينهار ابيض طب ايه اعراضه دة ادكتور : اقولك يا سيدى الشخص اللى عندو المرض دة بيبان على جلده بقع زى اللى فى الصورة كدة
و كمان بتلاقيه فاقد الاحساس و دة بياثر عليه اصلا لانه هتلاقيه مبيحسش لا بضغط و لا الم و لا غيره حتى لو اتعور ممكن مياخدش باله و دة خطر جدا عشان بيتجمع على الجرح الفطريات و الجراثيم و بتجبله امراض تانية ... و ساعات المرض بيسبب الشلل لعضلات الجسم لو اصاب الاعصاب الحركية .. زيادة على كدة بيكون عنده جفاف فى البشرة و الشعر مبيطلعش فى الاماكن اللى فيها البقع !!
خوفتك انا كدة صح 
طب خلينا نطمنك شوية 
المرض دة احتمالية حدوثه ليك 5% بس طب اشمعنا ... دة لان حضرتك عندك مناعة طبيعية فى جسمك بتقدر تهاجم المرض و تقضى عليه و دة بيكون بنسبة 95 % .. برضو تخلى بالك ان العيلة اللى عندها المرض دة بتحاول تدارى اعراضه و متبينهاش عشان تعرف تتعامل مع الناس بشكل طبيعى
اه المرض دة ممكن ينتقل عن طريق الرزاز و العطس و الحاجات بتاعت الجهاز التنفسى دى .. خدوا بالكوا بقى 

الحزام النارى

كلنا سمعنا عن ناس بتلبس حزام جلد  
بتلبس حزام ناسف  
انما بتلبس حزام نارى  جديدة دى  
تعالى اقولك ازاى  
دة مرض اسمه الحزام النارى او الهربس العصبى بيسببه نفس الفيرس اللى بيسبب الجديرى .
بيقولك بقى ان الفيرس دة بيفضل نايم فترة كدة من الزمن و ممكن يفضل نايم او ينشط ... بينشط مع تقدم السن و اكتر انتشارا فى البالغين ممكن ينشط كمان بسبب التوتر او العصبية المستمرة ممكن كمان بسبب نقص المناعة !!
المرض دة بقى سموه بالحزام النارى عشان بعيد عنك و عن السامعين لما بينشط الفيروس بيكون عايز يطلع على سطح الجلد فبيمشى مع العصب لحد ما يطلع على سطح الجلد مكون حوصلات او طفح جلدى بيتميز انه بيكون شديد الاحمرار و بتحس ان فى نار فى المنطقة دى ..
طب ايه الاماكن اللى ممكن يظهر فيها ؟؟
الطفح الجلدى بيظهر كتير فى اماكن الصدر او البطن و ممكن كمان يظهر فى منطقة الوجة او الرقبة ...
طيب لو عندنا حالة فى العيلة زى دى ادكتور نعالجها ازاى .. ؟
بص يا سيدى  المرض دة بيخف لوحده فى معظم الاحيان و لما بيتطلب علاج بيبقى علاج الاعراض بس زى مثلا مهدئات للاماكن اللى فيها الطفح و مطهرات ليها
كمان ممكن تخف من حدة الالم بوضع قماشة مبلولة ماية دافية عليها 
و بعد فترة الحوصلات دى بتتحول لقشرة بتقع لوحدها .. طب الحمد لله 
طيب نعمل ايه عشان ميحصلناس الكلام دة 
1 - انته تخليك ريلاكس خالص و متخليش حاجة تعصبك ( يا راجل كبر دماغك )
2 - متلمسش حد عنده الاعراض دى او عنده الجدرى مثلا 
3 - متستخدمش ادوات المريض ... ممكن تستخدمها بس بعد متغليها كويس .
نطمنك شوية و نقولك ان اللى حصلت عنده الاعراض دى مرة مبتحصلوش تانى الا فى حالات قليلة قوى تصل لاقل من 1 % 
بس حاول اول لما تلاقى الاعراض دى بتظهر تروح لدكتور لتجنب اى مضاعفات 
اللهم اشفى كل مريض