مشاكل التخدير

اتطلب مننا نقول مشاكل التخدير اللى بتحصل 

هنلخص المشاكل فى كام نقطة كدة  
1 - اهم حاجة دقة دكتور التخدير 
2 - المطلوب منكوا بقى انك تقول للدكتور بتاع التخدير كل حاجة عنك و لو وصلت تقولو عن حالتك النفسة قولو 
3 - متخبيش اى حاجة مهما كانت صغيرة فى نظرك لان دى بتفرق فى العملية و ممكن تسبب مضاعفات
مثلا يعنى لازم تقول للدكتور التالى
1 - انك بتعانى من اى مشاكل طبية مثلا زى لاضطرابات في القلب أو الرئتين أو الكليتين أو السكتات الدماغية أو التلف في الكبد.
2 - لازم تقول للدكتور لو عندك اى سوابق مرضية مثلا زى لسكري وارتفاع ضغط الدم واليرقان والاكتئاب وغيره من الاضطرابات النفسية.
3- لو عملت نقل دم قبل كدة لازم تقوله
4 - لو انته عملت عملية قبل كدة لازم تقول للدكتور و تقوله لو حصل مضاعفات اثناء التخدير ولا الامور مشية عادى
5 - لو كنت بتاخد ادوية معينة بمعرفة الدكتور او من غير معرفته لازم تقوله عليها عشان ميحصلش تفاعل بين الدوا و المخدر و يسبب مضاعفات
6 لو بتاخد الأسبرين والإيبوبروفن قوله على طول
7 - لو عندك حساسية من اى حاجة قولها
8 - لو اتعرض اى حد من عندك فى العيلة لمشاكل اثناء التخدير من قبل لازم تقول للدكتور لان العامل الوراثى ليه تاثير كبير
9 - لو فيه حمل طبعا لازم تقولى للدكتور
ساعات بيحصل مشاكل اثناء العملية و بعد العملية زى مثلا
1 - بيحصل للمريض غثيان و قئ بعد العملية
2 - ممكن يحصل للمريض مشاكل بعد التخدير زى عدوى رئوية أو سكتة دماغية أو نوبة قلبية و ممكن تصل الى الوفاه .. الكلام دة نادر الحدوث و بيحصل فى كبار السن او مرضى ليهم سوابق سكتات دماغية او نوبات قلبية
3 - ممكن يحصل مشاكل عصبية و دة بسبب وضعية الجسم و الضغط المستمر على اجزاء معينة منه و دى بتسبب أضرار عصبية أو شلل عصبي أو عمى أو قرحات جلدية، وذلك حسب وضع الجسم خلال الجراحة بس دة نادر جدا لان الدكتور بيعرف ايه المشاكل و بيعدل من الوضعية
4 - احيانا بيحصل نزيف حاد اثناء العملية و بيحتاج المريض نقل دم
5 - بيظهر حساسية اثناء العملية من مواد التخدير بس الدكتور بيكون عامل حسابه و مجهز ادوية مضادة
فى النهاية بكرر لازم تقول لدكتور التخدير اى مشاكل عندك او اى امراض سابقة